• قصتي.. ما هي جديده..
ولا هي حروف من قصيده..
ولا هي سحابات الكلام..
ولا هي عناوين بجريده..
• قصتي.. قصة شهيد..
وأرض.. تسكن بالوريد..
وتاريخ عاطر..
• قصه شواهدها المقابر..
والدفاتر.. والعساكر..
يا ربعنا ما تحجب الحق الستاير..
قصة شهيد.. وأم الشهيد..
وأرض الشهيد.. ودم الشهيد..
قصة قمم والجاي قمه..
من يرجع الميت لأمه..
ومنهو رسم عزه بدمه..
غير الشهيد.. غير العنيد..
عيا يطيح.. وعيا يصيح..
مرفوض عنده كل قمه..
لا تجيب ولا تودي..
ولازم يبان.. منهو معي.. ومن كان ضدي..
• قصتي..
بدله وعباه.. وسيف وعصاه..
وجرح العرب.. عدا مداه..
وصوت التعب.. واصل صداه..
وحنا العرب..
متجمعين.. مساهمين.. متبرعين..
وكان القرار..
حظ العرب.. صابته عين!!
معقول عاد..
حظ العرب صابته عين؟!
• ماتت سعاد.. ومات الوليد..
ومات العرب.. وما به سعيد..
إلا الكفوف الحاضنه لأقدس حجاره..
يا مستريح.. ثوبك يغطي له قذاره..
• قالوا اليهود!!
وحنا جروح سنيننا منا وفينا..
حنا نعيب أزماننا والعيب فينا..
حنا نخط حروفنا ونضحك علينا..
حنا نقول حظوظنا بكره تجينا..
وعندي سؤال:
بس.. فين الرجال.. اللي تجاوب عالسؤال؟!
ورزقي على الله