ركلات ترجيح

• يا السنافي..
صارت الدنيا منافي..
ودام همي فوق كتفي..
وين أبي ألقى له مرافي..
فوق جمر الأرض حافي؟
دافي..
يا كلام الليل دافي..

• يا خواجه..
فك حلقي..
وهات حاجه..
أي حاجه!!
عود حنطه.. أو دجاجه..
تمرنا ما هو لنا..
سكريه أو خلاص..
بس خلاص..

• يا نزار..
لا تقول عني حمار..
وبعضنا يسكن قصر..
وبعضنا تحت الجدار..
عاد مصمم يا نزار؟؟!
أسفار..
تحمل حمار..

• يا سيدي..
دام الوجع في قوتنا..
ودامك تحب سكوتنا..
كل الحكاية..
قَوِّزْ رمل..
حطنا فوقه..
وشوتنا..

• يعني يعني..
إنه العارف بما وجعني..
والحقيقة..
إنه اللي من أحلامي منعني..
فزعني..
حسبي الله عليه كم فزعني..
يعتقد أنه رفعني..
الله عليكم..
طناش..
كن أحد ما سمعني!!!

• صاحبي قال..
الحصان عزه بسرجه..
ودام يدك ما تقول..
ودام فمك ما يقول..
ودام قلبك ما يقول..
انت إيمانك ضعيف..
• يا وزير..
وقبل ما الغله تطير..
وكلها ما هي لنا..
أرجوك لا تكلم عننا..
وخذ شويه..
وهات شويه..
إنت فينا ومننا..

• يا تهامي..
شوف عودك كيف ظامي..
الشبع من غير ضرسك..
مثل موتك يوم عرسك..
من ولدت بلا معاني..
غصب أو راضي تعاني..
عاد تسميها حياه؟!!

ورزقي على الله