• شفت اغتيال العشق
والضحكة والعواطف
• شفت حلق ميت.. مخنوق بخبز ناشف..
• عشت الرعاش والبرد وما تبقى من ثياب وشراشف..
• شفت الكفوف.. نفس الكفوف..
اللي تصفق للخديعة.. والمنازف..
• شفت الدموع الحايرة.. بين الهدب
وبين منديل خايف..
هذا أنا.. قول مواطن.. وقول واحد.. والناس..
شايف وعارف..
بذمتك شفت..
• بذمتك شفت..
ونه تروح لفوق.. وونه مثل حرف..
بين دمعات المعزين واقف..
جرح.. من قبل ميلاد الجرايد والهواتف..
...............
• شفت حارتنا..
وشفت حراس المباني والحدائق والقصور..
شفت وش كثر القبور..
• شفت ديره.. زادها دمعه وحيره؟!
• شفت حفله.. لماكر يحبسك غفله؟!
• شفت عمك يكتب النكسه قوافي..
والعيون الباكيه صارت منافي..
شيخنا تكفى.. ظنتي إنك تشوف..
اللي ساكت.. واللي صابر.. واللي خايف..
ورزقي على الله