يوم جتنا هالكرونا

بالخطورة ذكرونا

بادرونا بالنصيحة

بلغة الحكمه الفصيحه

بالأوامر الصريحه

وفي منازلنا حكرونا

للسلامه عزلونا

بلطف وطيبه عاملونا

سكنونا واكرمونا

ولا بكلمه عكرونا

يوم بالأمر التزمنا

وبعونة الله احتزمنا

مع القاده ما انهزمنا

والمعازيب اشكرونا

ما أراد الله جاري

قلتها وقالها جاري

يوم تجري هالجواري

جمعونا وعسكرونا

ترى حنا أهل المواقف

اللي جالس واللي واقف

اسأل عنا اللي عارف

خسروا اللي جاكرونا

طايعين اهل القياده

والله ابصر في عباده

اليا طلبناهم زياده

وجهونا وفكرونا

حنا اليا جينا المجالس

نذكر اللي بالمتارس

كم جندي وكم حارس

اليا جينا ما انكرونا

حنا معهم بالشدايد

وبالمواقف ما نحايد

عرب من كل البدايد

اليا اعتزينا باكرونا

أنا موديلي قديم

وترى من شكلي عديم

طلبنا من الورش ترميم

صبغونا وسمكرونا

والف اصلي بالختام

على النبي سيد الأنام

والتحيه والسلام

خسروا اللي جاكرونا